最近蕉小編真係到左一個自己都忍受唔住自己嘅程度！就係唔知點解我經已日日執我張化妝枱，但係就日日都仲係咁亂！好啦，於是我就Google一下”收納法”呢個名詞啦。如果大家對日本文化有丁丁咁多認識，都知道日本人真係好鍾意收納法，佢地淨係出版有關”收納法”嘅書都可以出幾萬本。咁其實係咪其它國家嘅人唔收納呢？XD 不如我畀大家睇下我嗰張亂到不能嘅化妝枱先… 可能因為我張枱本身無柜桶，所以我更加要揾啲工具好好去收納一下。
不過喺我Google收納法嘅時候，竟然畀我揾到個好好用嘅化妝袋。話佢係一個袋，不如話佢係一個超大嘅化妝箱，因為佢嘅容量真係超！級！大！
又，原來呢個化妝箱喺日本、台灣係勁Hit的，咁蕉小編就緊係拿拿聲訂左個返黎試用啦！
講講佢個尺寸先： 長：25.5cm x 寬：18.5cm x 高：21.5cm
而且佢嘅材質係黑色尼龍料，而且仲車左啲心心嘅花紋，簡直係正中少女心 XD
不如簡單介紹下呢個化妝箱有啲咩配件先。
佢有一個主袋（即係最外面拉錬嗰個），然後附有1塊硬身嘅膠板，另外再附有1塊大鏡子；
另外仲有三個黑色嘅網袋：一個高身啲、另外兩個就係細嘅，可以放啲細嘅化妝品咁。
而佢最前面嗰個Removable嘅拉錬袋，可以用黎放化妝掃或者隱形眼鏡等等嘅小物，重點係佢可以拆出黎，當你去短途旅行嘅話，呢個小袋就可以大派用場了。
蕉小編我就示範一下畀大家睇，我點放啦～
放滿之前係咁樣樣的…
高身瓶例如化妝水、Body Cream諸類，可以放埋喺高身嗰個網袋到。
然後第一個小網袋我就放粉盒、或者氣墊粉餅、胭脂等等。
頂部小網袋可以放番啲玻璃瓶嘅產品，例如粉底液或者精華液都可以喔！
前面小袋可以放啲濕碎嘢，隱形眼鏡喔～唇膏都OK！
仲有最最最前嗰個位，當然係放化妝掃或者一枝枝嗰啲化妝品啦～:D
好啦～放滿左之後就變成咁樣了～用嘅時候就續層續層拎出黎用，唔用又可以收埋佢，整整齊齊咁，係咪好方便呢？
咁以後我就唔洗一坐埋枱化妝啲嘢就全部跌曬落地下啦！
My Twinsy 有代購服務喔!有興趣購買嘅朋友可以去
www.facebook.com/mytwinsy 查詢；
或者去 http://www.mytwinsy.com/kilt-cosmetic-box 直接訂購（訂貨大約七天時間）
就以上！打完收工！XD